नेपाल राष्ट्र बैंकका गभर्नर

नेपालमा आर्थिक संकट गहिरिँदै गएको बेला अकस्मात नेपाल राष्ट्र बैंकका गभर्नर महाप्रसाद अधिकारीलाई निलम्बन गर्ने निर्णय गरेको छ । मन्त्री र गभर्नरबीच पहिलेदेखि नै सम्वन्ध राम्रो थिएन्। अर्थतन्त्र र वित्तीय क्षेत्रमा संकट गहिरिँदै जानुमा गभर्नरको समेत भूमिका हुनसक्ने सरकारी पक्षको विश्लेषण रहँदै आएको थियो । आयातबाट राम्रो कमाई गर्दै आएका व्यापारीहरुको हात हुनसक्ने पनि अडकल गरिएको छ । अधिकारीले विदेशी मुद्राको संचितिमा परेको चाप कम गर्न र तरलता सहज बनाउन आयातमा कडाई गरेकै कारणबाट पद गुम्न पुगेको हुनसक्ने देखिन्छ। उनीमाथि लागेको आरोपबारे छानविन गर्न राष्ट्र बैंक ऐनकाअनुसार पूर्व न्यायाधीश पुरुषोतम भण्डारीको नेतृत्वमा तीन सदस्य समिति पनि बनाइएको छ । समितिमा सूर्य थापा र चन्द्रकान्त पौडेल सदस्य छन् । समितिले एक महिनाभित्र प्रतिवेदन बुझाउनुपर्नेछ ।