वार्ड नं १३ को नमूना वडाको रुपमा विकास गर्नेछु – तूफान अंसारी

वीरगञ्ज  वैशाख २७ ।  वीरगञ्ज महानगरपालिका वडा नं. १३ का वडाध्यक्ष पदका उम्मेदवार तूफान अंसारीको घरदैलो कार्यक्रम सम्पन्न भएको छ ।
जसपाबाट वडाध्यक्ष पदमा उम्मेदवारी दिएका अंसारीले घरदैलोको क्रममा वडाको विभन्न टोलमा घुम्दा वडाबासी आफ्नो पक्षमा रहेको दावी गरेका छन् ।

उनले वडाको हरेक घरमा जाँदा तिनीहरुको समस्या बुझ्दा तिनीहरुले पछिल्लो कार्यकालमा कुनै किसिमको विकास निर्माणको काम नभएकाले जनता आजित भएको र आफ्नो मिसन र भिजन देख्दा तिनीहरु आफ्नो पक्षमा मत खसाल्न आतुर रहेको दावी गरे ।

अंसारीले आफु शिक्षा, स्वास्थ्य, भौतिक पूर्वाधार, सरसफाई लगायतका एजेण्डा सहित चुनावमा होमिएका छन् । उनले आफु निर्वाचित भएको पहिलो वर्ष देखि नै वडामा विकासको जग बसाल्ने र प्रदेशकै नमूना वडाको रुपमा विकास गर्ने लक्ष्य रहेको बताए ।